Сауытбек Абдрахманов
***
Төлеген Айберенов - қазақ поэзиясында төңкеріс жасаған ақын. Бар-жоғы 30 жыл ғұмырында қазақ өлеңіне өзіндік екпінмен, айшықты мінез, тылсым сырға толы өлең қалдырған ақын. Абайдан бастау алатын қазақтың жазба поэзиясында он екі-он үш буындық ауыз әдебиетінің жыр үлгісіндегі поэзиялық туындылар қалдыруымен ерекшеленеді. Оның шынайы сезімі қазақ өлеңіне тау суындай ақтарыла төгілген асау бұлқыныс алып келді.
Елене Әбдіхалықова
***
... Амал барма, біз, қазақ әдебиеті, екі-үш дарыннан ерте айрылдық.Олар - Абдолла, Баубек, Төлеген.
Ғабит Мүсірепов
***
... Біз поэзиямыздың тағы бір алтын тұтқасын аштық. Аштық та, Төлеген дүниесін көрдік,
Әбділда Тәжібаев
***
Төлеген өмірінің де, ақындық шабының да "жиырма бесінде" қайтыс болды. Оның өлеңдері халқына, ұрпақтарға рухани күш һәм ләззат беріп жасайды.
Ыбырайым Юсупов
***
... Төлеген, сөз жоқ, талант. Дара талант, сара талант... Т.Айбергенов творчествосы - өлімді жеңіп шыққан өмір шаттығының жыры.
Әбіш Кекілбаев
***
... Әртүрлі гүлзарларымен, даланың самалымен, жусанның иісі, таудың бұлағымен - өзімен өзі тыныш жатқан поэзиясының қалғымалы тірлігіне кенет көтерілген мұхиттың жалжал толқындарындай ағысты екпінмен әсер еткен Айбергенов поэзиясы қазақ өлеңінің өресін биікке көтереді.
Фариза Оңғарсынова
***
... Меніңше, Төлегеннің нағыз ақындық дарынын танытқан кезі "Маңғыстау саздары" деп аталатын жырларын жазған тұсы тәрізді. "Сырласу", "Шевченко - мұнай ордасы", "Ей, менің ақын бауырым" деген романтикалық пафосқа толы өлеңдердің әрқайсысы қазіргі қазақ поэзиясының ең таңдаулы нұсқалары десек, асырып айтқан болмас еді.
Қуандық Шаңғытбаев
Комментариев нет:
Отправить комментарий